XOGOS MUSICAIS

Benvidos ó 2014 e que sexa un ano feliz para tod@s!!

Volvemos das vacacións de nadal e que mellor manera de voltar á realidade que xogando!. Aquí propoño uns cantos xogos que vamos a utilizar na aula e que podedes probar na casa tamén, a ver se os gustan!

1º-Maguaré é un portal creado para fomentar a creatividade dos nenos e nenas e está cheo de ferramentas de todos os campos artísticos, tamén o musical, claro.

2º- Se queres descubrir como soa o nadal e calquer lugar do mundo, so tes que buscar no mapa e seleccionar. E agora a abrir as orellas

 3º- Para infantil está preparada esta aplicación, a través da cal xogamos a adiviñar sons e a poñerlles cara. Pon as orellas a traballar!

Estes xogos foron recopilados do blog da aula de música CEIP Gerardo Diego. 

EDUCACIÓN PARA UN FUTURO SOSTIBLE

Unha Eco-carta para os reis magos! Isto é o que no envia SOGAMA( sociedade galega do medio ambiente) un conto no que nos conta o que fai a familia Trebón nestas datas...Chega o Nadal no planeta verde!

   

Capítulo 22: Unha eco-carta para os Reis Magos from Ronsel de Ideas on Vimeo.

COUSAS DO APALPADOR

   Como vimos falando estes anos, estase a recuperar a figura do Apalpador, ese home das montañas que baixa o 31 de decembro a apalparlle as barrigas os nenos e nenas e agasalla castañas e xogueites feitos por él , de madeira. Ahí tedes un vidio cunha entrevista a Xoan G. autor de dous dos contos feitos sobre o apalpador, onde nos conta moitas curiosidades.

A Fundación Artábria elaborou unhas unidades didácticas para infantil e primaria, son moi aproveitables...pincha no debuxo do apalpador! Tamén o tes en formato dixital en  http://issuu.com/fartabria/docs/udapalpador

 

  Tamén podedes entrar na páxina do apalpador e atopar os contos en formato dixital, láminas para colorear, cartas ó apalpador e moitas mais cousiñas...Pincha AQUÍ

   Existen tamén cantigas sobre esta personaxe mítica, moitas copliñas distintas, e como exemplo esta que canta Xavier Díaz co pandeiro.

E outra feita polo grupo Malvela. Mira mira...

Tamén hai moitas actividades Lim sobre este tema, esta é unha feita na Barbanza, a ver que vos parece?

No recanto de mik, fixeron unha investigación concienzuda sobre o apalpador, se queres seguir a súa pista dalle  a  SIII. E aquí vai outra  pesquisa. Se o consegues poderemos darche o carne de investigador total. Ánimo!

No CEIP de Xuvencos contaron a historia do apalpador de este xeito tan chulo!

25 N: SE QUERES DAR ABRAZOS POR QUÉ DAR TORTAZOS?

Outro ano máis conmemoramos o 25 de novembro o Día Internacional contra a Violencia de Xénero, cómo me gustaría que non existira tal conmemoración!!!! Nas aulas podemos aportar o noso gran de area fomentando a coeducación, a igualdade e o respecto.

Na casa de tolos tomei prestadoeste conto, LOS COLORES . Precioso! Pinchade no título e mirade...

TODOS OS DÍAS SON O DÍA INTERNACIONAL CONTRA A VIOLENCIA Á MULLER.

NON Á VIOLENCIA DE XÉNERO, NIN HOXE ,NIN NUNCA.

Quen dixo que a música clásica non é divertida?

 A música clásica segue a ser unha fonte inagotable de inspiración para os músicos, directores de cine, pintores, publicistas...de feito, en moitas ocasións nin nos decatamos da vixencia da novena sinfonia ou a Traviata , presentes nun anuncio, nuha peli ou nos moviles.

   Neste recurso, danse a coñecer os grandes clásicos dun xeito sinxelo e divertido. Trátase da compilación dalgunhas das óperas mais impottantes da historia: Para Elisa, la Quinta Sinfonía, la Pastoral o la Patética, de Beethoven.

   O autor deste recurso seleccionou unha serie de vidios de youtube e enlaces a outras páxinas  nos que se repasan, de maneira didáctica e adaptada ó alumnado estas lexendarias composicións

Canción de Cuna, la Flauta Mágica y la Marcha Turca, de Mozart

 Aida y La Traviata, de Verdi; o la Balada nº 2, de Chopin

VERDI, CHOPIN

ESTAMOS COMPOÑENDO!!

Os compañeiros de 6º e 5º estamos provando un programa moi interesante. Chámase incredibox e permítenos elexir entre varios efectos, melodías e voces e facer a nosa propia composición. É moi dibertido e empezan a chegar xa as primeiras obras destes artístas camariñeses!.Esta é unha mostra, é de Martín de 6º A, noraboa! Pinchade na foto e escoitade!

Santonero

• Aquí está a de Nando, titulase JABIOTA
• Vai o de Gabriel: Los hermanos Jon e tamén Again(Ole Gabriel!)
• Laura fixo: Manolio Do cosquillo
• Mario; Sounds
• Carla mandou "The Blues"
• Carolina fixo Duf Punk
• Juanmatan3: Big time rush 
• Paula e Andrea de 5º: Music pop
• Bieito de 6ºB: Gemelos
• Nerea de 5º: Querido golfito
• Cibrán de 6ºB:  The shield
• Borja: Petero
• Noemi e Gabriela:bailando disco
• Arián6ºB: Silencioo
• Javier Mtnez. 6ºA: o rap depepa pig 
• Julia 5º: Marcha total
• Adrian 6ºA: Dance on the street
• Jairo: Paralizado
• Vanina: electro music
• Marta 5º:Melody rap
• Lucas: the laze song
• Yanira: el mejor ritmo
• Jose 6ºB: Os chicharelos
• Sara 6ºB: Camarinhas
• Cristina 6ºA:los chicos de la música
• Ryder998:^willirex^( por favor identifícate)
• Miriam 6ºB: Rap
• Desiré: Chorizón
• valeria 6ºA: Isiluruqueruchubi

Moi ben rapaces/as, sodes uns artistas. Boa participación!!

MAGOSTO EN CAMARIÑAS

O pasado venres 8 de novembro festexamos o Magosto. Sí, ultimamente se nos xuntan as festas, pero a época das castañas xa ven dende fai un tempo...Comemos castañas asadas, tivemos un pequeno concerto que Carla, Valeria e Sara nos deron coa gaita e pandeiretas. Despois fixemos xogos relacionados coas castañas. Música,castañas e xogos, iso sí que é un bo magosto!

Magosto´13 - diapositivas

CELEBRANDO O SAMAÍN

O mércores 30 de outubro celebramos o Samaín no cole. Fixemos unha exposición de cabazas arrepiantes e logo houbo premios as catro mais terroríficas: un por ciclo.

Despois disfrazámonos e visitamos a portas das clases porque hai un concurso de portas, a ver cal delas mete mais medo!. Merendamos e vimos pelis de medo. Un Samaín completo! Mirade, mirade...

SAMAIN CAMARIÑÉS from Maruxeira on Vimeo.

A VOLTAS CO SAMAIN!

 Ola a tod@s!
    Un ano maís aquí estamos outra vez, xa ven entrado o curso, preparando cousiñas para os peques. Este ano dende a costa da morte, en Camariñas, onde o vento e o mar fan pulsos e a gheada e o seseo dan música á fala.
    Despois da vendimia e coas primeiras castañas, xa sabemos que se achega o Samaín, tempo dos defuntos, caveiras e cabazas, tempo de bruxas, curuxas e pantasma....Tempo de medo pasar!
   O Samaín é o antecedente europeo do Halloween americano. Esta tradición de orixe europea foi levada polos emigrantes a terras americanas e alí transformouse nun carnaval outonal.
Sabías que fomos nós, os galegos, os primeiros europeos que erguemos a idea de Samaín para facerlle fronte á moda do Halloween? (Vieiros na escola)

   Se pinchas no debuxo atoparas un feixe de recursos, contos, videos, etc...que atopei  no blog  "O recanto de mik"

Tamén atopei no blog "Mi música en el cole" , un documento wix onde están recopilados contos, danzas, manualidades e actividades en referencia ó "Halloween", porque é dun blog de Murcia e por alí non teñen tradición propia. Pinchade e a pasadeo de Medooo!!

RAP DO VERÁN

"Os nenos de primeiro,

cantamos este ano 

 un rap moi xeitosiño

        con ritmo e con engado"

Así comenza o rap que estamos a preparar para o fin de curso. Nel facemos un repaso da chea de cousas que fixemos durante o curso, e o fan con moito ritmo e moitas ganas! Para mostra un ensaio na clase de música, están sen vestido rapeiro e faltaba algún compañeiro... pero pinta moi ben! Que opinades?

rap do verán from Maruxeira on Vimeo.

O MAR, ONDAS E CARACOLAS

Co gallo dos 10 anos de que ocorreu a terrible catástrofe ecolóxica do Prestige, e tendo en conta que no proxecto tratamos todo e canto ten que ver co mar, fixemos un conto, explicando o acontecido e ilustrado polos nenos e nenas dende infantil ata sexto. Títulase "Historia dun barco vello"

LETRAS GALEGAS 2013

Este ano nas letras galegas homenaxeouse ó autor e actor teatral galego Roberto Vidal Bolaño. O cole vestiuse para tal ocasión case case coma unha escenografía teatral. Fixemos máscaras,  leimos e falamos do autor, vimos magos actuando...e sobre todo, moi presente O TEATRO. Mirade... 

LETRAS GALEGAS 2013 from Maruxeira on Vimeo.

XUÑO CON ORGULLO!

UN MES CONTRA A HOMOFOBIA: XUÑO CON ORGULLO

A FRAGA ANIMADA

Os meus rapaces, de 1º de primaria, do cole Souto-Donas están feitos uns contistas...Inventaron un conto,  logo ilustrarono e por último o plastificaron e encuadernaron.  Así quedou de bonitiño! O título tamén foi idea deles...e que estou orgullosa orgullosa!. Espero que o disfrutedes. 
Parabéns rapaces!

Contos para a igualdade

  Xa que se acerca o día 8  de Marzo, día da muller. Quería recopilar aquí uns cantos contiños que teñen que ver coa igualdade e a coeducación. O primeiro é este: unha feliz catástrrofe

 

   O seguinte é "Rosa caramelo", que loita contra os estereotipos femininos, e a educación machista.

   Este esta en Inglés, pero quen non entende as aventuras de Elmer...

Aquí está otro contiño , que nos fala das "supermamás" que temos, e das familias distintas

Outro ven divertido e diferente..."El principe ceniciento"



Outro conto interesante é o seguinte. Elaborado pola nosa orientadora Carmina. Espero que vos gusten!

Entroido 2013

   Este ano no cole de Donas estamos a traballar un proxecto relacionado co mar. Desta maneira facemos moitas actividades durante o curso relacionadas con este tema, e o entroido non foi menos...O redor dun conto que contaba a historia da catástrofe do Prestige, foron facendo as súas actuacións todos os cursos. Por suposto íamos disfrazados de peixiños, mariscadores, moluscos, etc...Mirade que divertido e bonitiño quedou grazas a profe Olga , que montou este video tan chulo.

enteroido 2013 from Maruxeira on Vimeo.

"WERTNES" NEGRO

 O Val Miñor esta en loita!. En resposta a constante agresión o sistema educativo público , os institutos e colexios do Val Miñor únense para protestar en contra de todos os recortes e e a chea de leis  que o goberno do PP leva a cabo en deterioro da educación pública galega.

   Unha das medidas son os chamados  "VENRES NEGROS",  onde os docentes e membros da comunidade educativa  fan concentracións de protesta, todos vestidos de negro, nos centros educativos antes de comenzaren a xornada. Eiquí un exemplo do C.E.I.P Souto-Donas.

                                              Aquí un anaco dun telexornal cubrindo a noticia.           

Haberá mais medidas e mais protestas. 
De momento, os venres no Val Miñor están de loito.

DÍA DA PAZ´13

Coincidencias da vida... no cole de Souto-Donas decidiron facer un lipdub o día da Paz, pero o curioso é que pensaron na mesma canción que o ano pasado fixemos no cole de Castrillón, en Coiro, Cangas. Como podedes comprobar quedou sinxelo e bonitiño. Parabéns a todos os/as rapaces/zas de Donas polo seu entusiasmo e traballo. Ahí vai!

HISTORIA DA MÚSICA EN ILUSTRACIÓNS

   Non ten desperdicio! Unha clase de historia da música ilustrada e completa en sete minutos. Xenial!

SEMPRE HAI UNHA LUZ!

Ahí vai unha canción e un desexo de boas festas! Espero que vos guste!

EXCURSION Ó TEATRO E Ó CASTRO

O venres 23 fomos de excursión a Vigo todo o primeiro ciclo. Primeiro fomos ó teatro a ver os títeres de Tanxarina, que sempre fan con tanto gusto a agarimo. Despois aproveitamos para ir a merendar ó monte do Castro. Despois dun rato xogando, fomos a unha visita guiada do Castro. Vimos como eran as casas castrexas e as romanas. Como vivían, que comían...Foi unha visita intensa pero gustou moito. Aquí tedes unha mostra do noso día!

Excursión Donas - foto montaje

DANZA AFRICANA

   No obradoiro de "danzas do mundo" que estamos a facer no cole, uníusenos unha nai, Mamer, a nai de Xan e Lira. Ela deunos unha clase preciosa de danza africana. Sudamos, bailamos e disfrutamos moito, cos distintos ritmos africanos e os seus movementos.

    Grazas por compartir con nos este día Mamer!! 

Aquí queda unha mostra do obradoiro.

                    danza africana from Maruxeira on Vimeo.

PIZZIPEDIA

   Estou segura de que tod@s coñecedes ese programa que hai os sábados as 12 da mañá, na 2 de TVE, que achega os rapaces á música clásica. Efectivamente chámase  PIZZICATO . Nel sempre aparecen un montón de curiosidades musicais, rapaces tocando,etc...Na web deste programa teñen unha "enciclopedia musical" moi interesante á que lle chaman Pizzipedia. 
     Botade unha ollada, hai cousas ben interesantes...

                                                 PIZZIPEDIA

Cancións da terra

Benvidos ó cole!!! Comenza o curso 2012- 2013 con cambios...este ano vou ser titora de primeiro de primaria, así que a miña actividade como profe de música vai quedar estancada polo menos durante un bo anaco. De todos os xeitos seguirei colgando curiosidades e traballos feitos cos rapaces, xa que este blog e algo mais que un blog de música. Mentres, para darvos a benvida e  ir abrindo boca, invítovos a que escoitedes esta cantiga en galego.                  Un saúdo a tod@s!!

TROMPAS ALPINAS

Estas vacacións estando eu por Padua, Italia, cadrou que habia un festival folclórico europeo. Dentre moitas cousas curiosas atopei unha que non adoitamos ver or aquí: son as trompas alpinas. Curioso instrumento e sonido. Así que gravei un pequeno vidio para que as podades escoitar. Espero que vos guste!

 
P1040588 from Maruxeira on Vimeo.

EU FALAREI!

Que gusto da atopar traballos así...tan ben feitos e con tanto contido e compromiso! Comparto con vos este Lipdub feito polo alumnado e profesorado do IES de Chapela.Que o disfrutedes!

VACACIÓNS DE VERÁN

 

A PESARES DOS RECORTES AOS QUE NOS SOMETE A XUNTA AOS INTERINOS E SUBSTITUTOS, FELICES VACACIÓNS A TOD@S!

 VOLTAMOS EN SETEMBRO!

(igual polo medio blogueamos un pouco... ;P)

O CONTO DOS SILENCIOS

  Teño un amigo, que se chama Rodrigo Chao que é ilustrador de contos. É un oficio que a tod@s nos encanta pero supón moitas horas de traballo e pouco recoñecemento(persoal e económico). A verdade é que cando vamos a casa de Rodri e Montse é unha gozada ver os seus debuxos, como traballa co ordenador e todos os libros que leva ilustrado, un artista vamos...

   Este vidio é unha das súas obras, titúlase "O conto dos silencios" e para a nosa clase de música vennos ó pelo. Vamos a poñer música e sons a tres contos distintos, entre eles este.

Agardo que vos guste!

CORRELINGUA E PESDELÁN

   Durante este curso e dacordo con outros profes de música da comarca, comenzamos un proxecto que ó final variou pero que foi moi divertido e didáctico. Tratouse dunha invitación ao pracer de cantar e bailar o noso patrimonio cultural, así que inspirados polo libro-cd  que o grupo Pesdelán creou fai un par de anos titulado " Na punta do pé ", preparamos un repertorio de danzas propias da tradición galega e tamén da dos nosos curmáns os portugueses.

    Comenzamos xa fai ben tempo...dividimos as danzas según a súa complexidade e os nen@s de infantil e de 1º e 2º de primaria preparamos cinco danzas ó longo destes meses. Algunhas gustáronnos especialmente: o Garutiño, O camiño de Viseu, O vello mentireiro...

  

 





  





Para os rapaces e rapazas do segundo e terceiro ciclo de primaria reservamos danzas con máis dificultade, como  A cirigoça, O pingacho ou  unha Muiñeira...

  

  Despois dun longo ensaio, ocurriuselles os organizadores do Correlingua, que como sabedes é unha festa que se fai nos arredores do día das letras galegas para festexar a nosa lingua, xuntar éste co concerto didáctico do Grupo Pesdelán, así que, dobre festa!

  

    O 14 de Maio, sete grupos do centro marchamos a Moaña, onde se fetexaba o Correlingua para toda a comarca do Morrazo. 17 coles se uniron a nós nesta festa!

Alí fixemos unha pequena camiñata polo centro da vila ata o palco da música, mentres os mais pequenos de infantil agardaban por nós facendo distintos talleres plásticos e musicais.

 

    

   

   
  

 Despois comenzou o concerto e 1.500 rapaces e rapazas nos puxemos a bailar xuntiños todas esas danzas aprendidas ó longo do curso. Que ben o fixemos e que risas nos botamos! 

    Ata o ano próximo!

EU ESTUDIEI NA PÚBLICA

Hoxe toca unha de reivindicación e de concienciación: pola calidade e necesidade do ensino público!

Vin este vidio no blog "casa de tol@s"

CARAMELIÑOS MUSICAIS

Para comenzar a semana cun bo sabor de boca, aquí vos deixo un regaliño para os sentidos...Non se pode empezar mellor o día! Espero que vos guste!

MAIOS

Maio longo... maio longo. Rosalía de Castro

Maio longo... maio longo,
todo cuberto de rosas,
para algús telas de morte;
para outros telas de vodas.
Maio longo, maio longo,
fuches curto para min:
veu contigo a miña dicha,
volveu contigo a fuxir.

Rosalía de Castro (1993), Follas Novas (Vigo: Galaxia)
Pincha no título para escoitar catro versión  musicais do poema

A festa dos maios é unha festa pagana que naceu ligada ao comenzo da primavera, á recolección da sembra, cando unha forza natural fai brotar as sementes e unha explosión de cores tingue os campos, despois dunha longa tempada de chuvias e frío.

Os maios máis tradicionais e característicos tiñan forma cónica, cunha estructura feita de varas e vimbios recubertos con fiuncho, hedras, espadanas, flores, laranxas, cintas, cascas de ovos, etc... Era transportado por un neno que ía no seu interior, e cantaba unha estrofa ou dicía un refrán que repetían os demais compoñentes do grupo dando voltas arredor do "maio". Hoxe en día, ademais da forma tradicional, constrúense "maios"artísticos que poden adoptar calquera forma: casas, carros, castelos, figuras humanas...

Os nenos de 4 anos do cole tamén aprenden a cantar coplas de maios...

Se pinchades na seguinte foto atoparemos un enlace a un blog chamado " Caracolatola" onde teñen un Lim interesante sobre os maios, onde poderemos aprender motas cousas sobre estas festas. 

Tamén neste slideshare veremos moita información sobre esta festa, as coplas, cancións e lugares onde máis se celebran: Pontevedra, Vilagarcia de Arousa, Ourense, Redondela...

Os Maios

View more PowerPoint from MIGUEL ANGEL LOPEZ

Por agora, ben chega para ir tomando contacto con esta celebración tan de noso!

CELEBRANDO A LINGUA

 Cando ti volvas... Valentín Paz-Andrade

NA MATRICIAL GALIZA, SEMPRE TÚA,
que dend-a Torre d'Hercules ao Miño
un facho acenderá por cada illa,
cando ti volvas pol-o mare;
de toxo unha fogueira en cada monte,
cando ti volvas pol-o mare;
dos castros na coróa unha cachela,
cando ti volvas pol-o mare;
unha loura candea en cada pino,
cando ti volvas pol-o mare;
o seu cirio de frouma os alciprestes,
cando ti volvas pol-o mare;
luces de ardora branca en cada mastro,
cando ti volvas pol-o mare;
un farol mariñeiro en cada dorna,
cando ti volvas pol-o mare;
veliñas â xanela en cada casa,
cando ti volvas pol-o mare;
e as pérolas das bágoas derramadas,
cando ti volvas pol-o mare,
cando ti volvas pol-o mare...
Paz Andrade, Valentín (1955). Pranto matricial (Buenos Aires: Ediciones Galicia del Centro Gallego de Buenos Aires)
 

 Este ano 2012 o autor homenaxeado no día das letras galegas é Valentín Paz Andrade, reputado xornalista, poeta e en definitiva escritor. Na imaxe seguinte atoparemos información e enlaces moi interesantes  que recopilou "A web de Norberto" de traballos doutros centros. Tamén, como vedes na imaxe, hai Lims, algún vidio e xogos para aprendermos moito sobre Paz Andrade. Pincha na imaxe.

 

      Os recursos que podemos atopar aquí, son unha recopilación de páxinas, enlaces, webquest e información que "O recanto de Mik" fixo  sobre o autor homenaxeado, así que vamos a proveitar este fantástico traballo para mergullarnos no tema. Pincha na foto do autor!

DÍA DO LIBRO II

  Este ano no día do libro fixemos unha actividade ben bonita! Eu, que recorro coles, sei que é desas cousas que vas a exportar(si te deixan, claro). 

   O 23 de abril na hora de ler, despois do recreo, os rapaces e rapazas de 3º a 6º de primaria fixeron de "irmán maior" e foron buscar un nen@ de infantil ou 1º ciclo. Atoparon o seu recuncho polo centro e contáronlle un conto. Os pequechos agradecidos dábanlle os seus contacontos un pegatina de Buli, a mascota da biblioteca.
 Daba gusto velos mergullados na lectura e responsables dos pequenos! Gustoume moito! Noraboa ó centro pola iniciativa!

DIA DO LIBRO.DEF - presentacion imagenes


Por certo, aproveitar  para deixar o enlace do blog da bilioteca do cole, chámase "A morada de Buli", se pinchas na mascota podes acceder a el e ver as novidades...

Premio entre bloggers, que guay!

  Hoxe recibín un regalo que me fixo moita ilusión e me emocionou ainda mais, sobre todo porque sei co agarimo con que o mandan. Moitísimas grazas Aniña por animarme sempre e valorarme!

   Explicoo...pois resulta que os bloggeiros elixen 5 dos seus blogs favoritos e mándalles un premio, así que se alguén te quere ben e te valora tes que seguir a cadea. As intruccións son as seguintes:

• Copiar e pegar o premio no blog enlazándoo co blogger que cho otorgou.
• Premiar os teus cinco blogs favoritos coa condición de que teñan menos de douscentos seguidores e deixarlles un comentario nas súas entradas para notificarlles que gañaron o premio.
• Confiar en que continúen a cadea premiando a sua vez os seus cinco blogs preferidos.                  

   Ahí van os meus elexidos:                                

• Anaquiños e xoaniñas : da miña querida amiga "mestraprimaria" ou Aniña, da que sempre aprendo tanto
•  O recanto de Mik:  do que recollo tantos e tantos recursos. Marabilloso blog de biblioteca, e mais...
• As cousas da clase : blog de aula da miña compañeira Geni, que fai un traballo bloggeiro e pedagóxico impresionante
• Mi música en el cole:  a quen sigo con grande admiración
• Ceip Vicente Risco:  non me podo esquecer de Duli, a profe de música dese cole, que me ensinou a facer blogs e moitas cousas mais.

Quedan moitos os que me gustaría agradecer a vosa dedicación, xenerosidade e a pedagoxía que facedes. Espero poder seguir dando mais premios...Grazas a todos!

Revolución dos caraveis

Hoxe 25 de abril celébrase o aniversario da revolución dos caraveis en Portugal. Foi un momento histórico na que cun xesto tan fermoso como pacífico o exercito decidiu poñerse de parte do pobo poñendo un caravel nos seus rifles, escopetas e tanques. Daba fin neste día a unha durísima, sanguinaria e inxusta dictadura.

   Tomouse como himno deste acontecemento esta canción de José Afonso, un cantautor importantísimo portugués. Titúlase "Grândola, Vila Morena".

Esta , coma outras, son desas cancións que pasaron a historia e que resumen o que somos

APAGA A TELE E PRENDE UN LIBRO

Hoxe, 23 de abril celebramos o día do libro. Esta é unha das publicidades que facían no programa infantil dos 80 "La bola de cristal", en referencia a lectura...bo non?

Tamén queda nesta entrada un conto e unha actividade lim para celebrar este día que tanto nos gusta a todos(recollido na casa de tol@s). Bo día dos que leen! Pinchade  AQUI

 E ahí vai outro contiño de regalo

  

Moi interesante este enlace onde podedes escoitar, ler, descargar e facer un montón de actividades en compañía de Don Quixote e todos os personaxes deste gran libro 

Nota: Esta canción é para os de 6º para que se vaian inspirando nesa coreografía...ánimo!

MÚSICA MEDIEVAL

   En relación ó que os alumnos/as de 5º están a estudiar en Coñecemento do medio, imos a mergullarnos na Edade Media e en particular na música nese período da historia; a música medieval.
   Nesta primeira actividade, relizada polo blog de música "baquetas alocadas", hai unha serie de audicións tanto de música relixiosa como profana que poderemos escoitar para ir entrando en materia...

   Nesta outra páxina coñeceremos a historioa da música nesta época, instrumentos que se tocaban, características da música relixiosa, da música profana as primeiras polifonías, as cantigas e todo o que nos interese saber sobre a música no medievo

  Tamén está moi ben resumido neste traballo, a diferenza entre xuglares e trovadores, así como as cantigas de amigo e de Santa María, moi relacionadas coa nosa terra, e os intrumentos utilizados...

  Juglares y trovadores rosalia e irene p. 2 c

       Mais cousiñas en breve...

29 MARZO

DEBULLANDO POEMAS

Hoxe celebramos o día da poesía e na clase de música imos aproveitar para ler, cantar e musicar versos...E buscando e buscando para traballar esta xornada atopei esta actividade tan chula no blog de "Mi música en el cole" onde se conta e cantan poemas de Gloria Fuertes. Imos aló!

EXCURSIÓN E TEATRO

Fai uns días fomos de excursión a Vigo. Os rapaces e rapazas de 1º e 2º de primaria saimos ben de mañá e primeiro fomos a Castrelos a visitar os xardíns do pazo e a merendar no parque. Logo fomos ver "A pantasma do palco" unha obra de teatro e música. E o rematar, de volta para Coiro! Ahí tedes as imaxes

A BAILAR!!!

Os nenos e nenas de 3 anos A e B cantaron e bailaron a canción de Mamá Cabra "Eu son un artista" e para que vexades o artistas que son aquí deixo este vidio.Que vos guste!

MULLERES, HISTORIA,IGUALDADE!

En nada xa estamos no 8 de marzo o día no que celebramos a igualdade de xénero. Para ir traballando este tema imos ver un contiño moi interesante titulado " El príncipe ceniciento" a ver que vos parece...

Tamén podedes visitar esta webquest que trata sobre mulleres galegas escritoras, científicas,  matemáticas, empresaria, leiteiras...unha escolma de mulleres que fixeron camiño nesta loita constante cara a igualdade.