Escolas Unesco

A semana pasada tivemos unha saída didáctica a Pontevedra. Era unha xuntanza das escolas Unesco. Participamos nun concerto, expúxose os traballos realizados polos distintos coles e participamos en distintos obradoiros. Algúns nos gustaron mais e outros menos. Ao final nos deron un diploma por participar e fixemos foto de grupo.

Son experto en...

                                               

Estas semanas tivemos dúas exposicións. 

A primeira foi de Sara que nos falou da 

ximnasia acrobática. Falounos das competicións, do nome das acrobacias, ensinounos medallas e premios, vimos algún vidio de campeonatos e ata nos fixo unha exhibición.

               Impresionante Sara!

Tamén tocoulle o turno a Ainhoa que nos falou de Zumba. Leva catro anos indo a clases de zumba e falounos de como quentan ao principio, como fan as coreografías e trouxo un mural con fotos de cando empezou ou de exhibicións e con información sobre este baile.

 Ao final nos bailaron ela e Noa un pouquiño dunha canción. Moi ben!

                

SON EXPERTO EN...

Esta semana pasada tocoulle a Eloi exponer o seu traballo, e a verdade é que quedamos abraiados  co tema e a exposición que fixo. Falounos sobre as distintas artes de pesca, sobre todo as utilizadas aquí. Fixo un power point con fotos e información sobre artes coma o xeito, o arrastre, a fisga e as nasas...Tamén trouxo unha fisga, unha rede e unha nasa para coller polvo. Foi moi interesante e recibiu un gran aplauso por unha investigación estupenda. Noraboa Eloi!

Día de Rosalia de Catro

Esta semana co gallo do día de Rosalia de Castro, estivemos traballando sobre ela. En informática fixemos un Lim sobre a súa vida e obra e logo fixemos un caligrama onde todo infantil e primaria escribimos versos do poema "Campanas de Bastabales". Quedou así de curioso!

No "Exprésome os xoves" escoitamos unha canción do cantautor cubano Silvio Rodríguez, cunha canción titulada "Vamos a andar"

Entroido 2018

           O 30 de xaneiro celebrámos o día da Paz facendo un mural coas nosas mans e cantando xuntos unha canción. Ollade que chulo!



Tamén  celebramos o entroido disfrazados de superheroinas e superheroes. O cole, tendo en conta o tema do salón do libro, "mulleres de conto", montamos un ha superheroina defensora da natureza. Por eso uns foron de animais, outros de nubes, soles e raios e outros de villanos que emporcan o planeta. Fixemos un pasarrúa ata o concello

Por outra banda oa semana pasada en "exprésome os xoves", escoitamos unha canción francesa de Edith Piaf

SON EXPERTO EN...

Estas últimas semanas tivemos dúas compañeiras expoñendo: Susi e Salma. A primeira fixo o seu traballo sobre o Rap, falounos dos seus músicos favoritos, escoitamos a Beret e ata nos fixo un pouco beatbox.

Salma contou que era expera no Coram. Explicounos que é o libro sagrado dos musulmáns, falounos dos ritos da súa relixión, recitou unha parte dunha oración e aprendemos moito sobre  a súa cultura. Foi moi interesante e houbo moitas preguntas.

 
  
 

     Noraboa ás dúas!

Son experto en...

Esta semana tocoulle a Lucía expoñer o seu tema.  Escolleu falarnos sobre figuras de plastilina. Para a exposición trouxo unha boneca a que lle fixera toda roupiña con plastilina(incluso un bolso!). Tamén fixo unha boneca vestida de galega a que non lle faltaba detalle.

   E despoís ensinounos  unha placiña, coa xente , a comida e a árbore!. Unha chulada! Menuda man ten Lucía!

        

Explicou o material que precisou para elaboralo todo, coa axuda da súa nai, o tempo que lle levou e como fixo certos detalliños minúsculos deste traballo. Gustounos moito, noraboa Lucía!

Son experto en...

A semana pasada tocóulle a Aaron expoñer o seu traballo , e decidiu facelo sobre piraqüismo: actividade que lle encanta e da que sabe moito. Falounos do clube de Vilaboa ao que él pertence, como é un día de entrenamento, como se coida a piragüa e trouxo feita por él unha piragüa de madeira impresionante! Estivo moi interesante e os compañeiros preguntaron unha chea de cousas.

Por outra banda, no "Exprésome o xoves! , tocou escoitar unha banda sonora da película "Memorias de Africa". Houbo opinións para todos os gustos, pero en xeral relaxounos bastante. O compositor e John Barry e a podedes escoitar pinchando AQUÍ

COUSAS DE CLASE...

   Estas semanas en "Exprésome os xoves!" puxemos duas cancións moi diferentes: unha actual e outra de música arxentina.

   -A primeira era de Bruno Mars titúlase "That´s what I like"

   -A segunda era de Astor Piazzola "Libertango"

   Por outra banda, Yassir expuxo o seu tema "son experto en...". Elexiu farlar de Picasso: da súa vida, das obras mais importantes,etc...aquí deixamos un par de fotos da súa charla experta. Bo traballo Yassir, noraboa!

SON EXPERTO EN...

"Son experto en..." é unha actividade que empezamos a facer antes do nadal. Cada un elixe un tema no que é experto ou quere saber moito. Coa axuda das familias temos que preparar un traballo e expoñelo ao resto da clase , traendo o material que se precise para apoiar a nosa exposición. Comenzaron Diego, Brais, Thais e Alma sendo os seus traballos sobre futbol, trompeta, danzas aéreas e manualidades respectivamente. Aquí temos os expertos!

 

BO NADAL!

Ola queridiños!:

  Quero aproveitar para enviarvos por estas datas os mellores desexos e que teñades unhas felices vacacións de nadal. Descansade moito e vide coas pilas cargadas que en xaneiro seguimos traballando moito e con ilusión.

  Lucía, grazas polo teu traballo e implicación! Felices festas a todas e todos vos e as vosas familias!

  Teño moitas ganas de vervos! Boas festas e bo ano novo. Sede felices

   María.-

Repasando Naturais

Como estamos a repasar  para o control dos seres vivos de ciencias naturais, aproveitaremos estes recursos para traballar o tema. Pinchade na imaxe e comprobade todo o que sabedes sobre as plantas, as súas funcións e demais materia do tema.

Segue aprendendo...

Outro mais

Samaín 2017

Este ano polo Samaín as profes de inglés fixeron contacotos a aprenderon cancións de halloween. Moitos nenos e nenas de primaria viñeron disfrazados, aquí tedes unha pequena recopilación de fotos e unha canción. Que medooooo!

SAMIN´17 from Maruxeira on Vimeo.

EXPRÉSOME OS XOVES!

Aquí seguimos escoitando novas cancións e expresando as emocións que nos suxire...As últimas semanas escoitamos un pouco de blues, música clásica e Rock and Roll. Aquí deixo as pezas escoitadas por se queredes botarlle unha orella na casa.

Hit the Road jack- Ray Charles

Cavalleria Rusticana, intermezzo- Mascagni

AC/DC Unthersruck

Desta última de AC/DC, vimos unha versión con violonchelos que é moi interesante e que gustou. Aí a tedes!

QUE TIPO DE MONSTRO SON?

Unha actividade que estamos a facer para o Samaín é Que tipo de monstro son? e consiste en  ver que monstro somos según a nosa data de nacemento e a inicial do noso apelido buscando nesta táboa que saquei do blog de aula tic Ferrol.

Saen cousas moi divertidas como vapiros traga dedos, cíclopes come sesos ou Momias escupe culebras....mirade como quedaron os nosos monstros!

EXPRÉSOME OS XOVES!

Exprésome os xoves é unha actividade que facemos todas as semanas que trata do seguinte: escoitamos unha peza de música escollida pola mestra. Tocaremos todos os estílos, dende rock, pasando por clásica ata blues...etc(excepto reggaeton, que xa se ecoita en todos os  currunchos do mundo e creo que a profe non lle gusta nada ;)). Para iso gardamos silencio e pechamos os ollos. Despois na libreta de galego e como mínimo en catro lineas temos que escribir o que sentimos ao escoitala, ou o que nos evocou, se nos recordou a algo ou a alguén... Trátase de expresar emocións, recordos ou que queiramos pero expresalo. Unha vez escrito quen o desexe o pode compartir e...Caramba!, Cada vez se nos animan mais!

  De momento levamos tres: 

1.- Caetano veloso

                 2.-Banda sonora da Misión 

                  3.-Queen "Under pressure" 
Podes pinchar nos títulos e escoitalas. De momento a cousa estanos a resultar complicada pero gusta.

 A ver que escoitamos o próximo día...

Curtas animadas

A semana pasada, vimos unha curta que nos gustou moito. Titúlase French Roast e foi nominado os Oscar no ano 2010. A verdade e que deu para pensar.
Aquí o deixamos. Agardo que vos guste.

                                                 

BENVIDOS AO TOURAL!

Un ano mais aquí estamos comezando un novo curso no C.P.I. do Toural en Vilaboa. Este ano somos un grupo de 22 alumn@s  4º de primaria e empezamos o curso con moitas ideas e  ilusións. Estes da foto somos nos. Mirade que guapiños ! 

Para darlle a benvida a este novo curso 2017-2018 viñeron da escola de música do concello a facernos un concerto e de paso inauguramos o mosaico da entrada. No concerto tocaban alumnos do cole entre eles o noso compañeiro Brais que sorprendeunos tocando estupéndamente a trompeta!. Outro día tamén viñeron a bailar outros compañeir@s que fan baile tradicional, entre eles estaba a nosa Lucía que lle deu a punta e o tacón con moita gracia! Aquí tedes unha fotos deste actos de comenzo do curso.

LETRAS GALEGAS 2016

Este ano nas letras galegas homenaxéase a Manuel María e no noso cole adicamos o poeta do mes, obviamente a este autor.Pincha na foto eatoparás unha chea de recursos.

Ademais, dende o equipo de normalización lingüística do cole se fixo, coa  colaboración de todo o alumnado do centro,profesorado e persoal que traballa no cole, un vidio musical coa canción do Brinca Vai de Paco Nogueira "Meu o mundo é". Cada grupo gravou un anaco da canción e xuntándoos  o resultado foi este. Feliz día das letras galegas!

      MEU O MUNDO É. CPI do Toural from cpidotoural on Vimeo.

CORRELINGUA 2016

Cantas cousas temos  atrasadas!! O 2 de maio fomos o correlingua Pontevedra. Case 2000 alumnos dos centros dePontevedra e concellos cercanos como Vilaboa e Marín fomos a camiñar en prol da nosa lingua. Ali ademais de facer o recorrido polo casco vello, estivemos no concerto do grupo de rock "Livia de Marrao", leuse o manifesto,  uns libros para o cole e soltamos globos.  Unha mañá na que defendemos a importancia de falar e coidar o noso idioma.

  

Pincha no enlace o vidio que fixo o Faro de Vigo sobre o correlingua

http://www.farodevigo.es/multimedia/videos/galicia/2016-05-02-101200-correlingua-2016-pontevedra.html